From: koko.988.k
------------------------------------------
كلنا نعاني من مشاكل البطاريات وخصوصا في فتره الصيف
تنزل الصباح تبي تشغل سيارتك وتروح للدوام وفجئه ماتشتغل
بسبب البطاريه
وبحكم شغلي بالسيارات حبيت اطرح لكم هذي المعلومات مشان تاخذوا فكره عن بعض البطاريات
وتعرفوا وش الي تشتروه ووش الي ماتشتروه
أول شي
AC Delco
أكثر نوع منتشر ومشتهر في المنطقه
هذي النوعيه من البطاريات ليست رديئه ولكن بنفس الوقت ماترضي طموحك
يرجى الأنتباه من تاريخ التصنيع اذا كانت قديمه لا تشتريها لأنها مراح تدوم معاك
وسعرها خساره فيها وضمانها فاشل باختصار حاول تتجنب هذي النوعيه
مده أستعمالها سنه
وكل الي يستخدموها يمروا بتجربه تبديلها بعد السنه
لأن بعد السنه راح تلاحظ أنها بدأت تضعف وخاصه في الصباح وإذا كانت صناعه سعوديه اغسل يدك
إذا كانت كوريه يمكن احسن بقليل
بس نصيحه ابتعد عنها لانها عادي تشتغل الصباح والظهر تنام عليك
ثاني شي
Hankook
هذي النوعيه ارخص من البطاريه التي سبقت وافضل وصناعه كوريه او تيوانيه
مده الاستعمال قدرت بسنه ونصف إلى سنتين
اما الظمان ممكن يكون 6 شهور ولكن البطاريه كفايه
سعرها رمزي وتؤدي الغرض
جيده لسيارات 4 سلندر
ثالث شي
Panasonic
هذي الشركه غنيه عن التعريف في عالم البطاريات
وكذالك الظمان موثوق فيه
صناعه البطاريه تايلنديه
مده الاستعمال من سنين إلى ثلاث سنوات
جيده على السيارات 4 سلندر و 6
رابع شي
بطاريه باقدر
هذي البطاريه القليل يعرفها
والي جربها ما يعيفها
كفايه انها بطاريه يابانيه واصليه
مده الاستعمل فوق السنتين وسعرها ممتاز
خامس شي
optima
هذي بطاريه اوبتما وفي منها ثلاثه ألوان
الاحمر تفضل للسيارات الدفع الرباعي والسيارات الثقيله من 6 سلندر و 8 سلندر ولانها الاقوى
الاصفر للسيارات العاديه 4 سلندر
الازرق للقوارب واجهزه اللاسلكيه والملاحه في القارب
هذي البطاريه قويه جدا
ويميزها عن غيرها انها لاتحتوي ماء وليست الكترونيه
هذي النوعيه الجافه كبطاريه الجوالات والاجهزه الالكترونيه
وسعرها غالي يصل الى 1000 ريال
لكن سعرها يساوي مده الاستعمال
مده استعمال البطاريه من سبع سنوات الى عشر
ظمان البطاريه ثلاث سنوات وتقدر تعيد شحنها
وهذي البطاريه تستحمل كل عوامل التعريه سواء شده البروده أو الحراره
يوجد لها وكيل في جميع دول الخليج
وصناعه البطاريه امريكيه 100%
----------------
تعليقات
إرسال تعليق