برنامج مراقبة الهاتف عن بعد مجانا عن طريق الرقم

الرئيسية     |     المنتدى     |     الإشتراك     |     الرسائل   |   اتصل بنا

| المرسل : راعي الددسن                    | بريده :  fahd1050@hotmail.com     | للتعليق على الرسالة :  http://www.n-ar.com/details-261.html

 

((اتبع النقاط التالية وانظم إلى عالم المثقفين))

 

1- امحط اللحية و الشنب .

 

2-  إذا سألك أحد من تسمع له قل لفيروز وشاديه حتى لو انك ماتسمع إلا لمزعل وسعد جمعة .

 

3-  إذا قالوا لك من شاعرك المفضل قل محمود درويش و ادونيس حتى لو انك ما تقرأ إلا لضيدان بن قضعان وسعد بن جدلان .

 

4-  ابتعد عن المباشرة في الكلام واعمد إلى " التفعيط " و " التمطيط " وبدل ما تقول "في البداية " قل : " بادئ ذي بدء " وبدل ما تقول "وهذا يدل على " قل : " وهذا إن دل فإنما يدل على " ... لا تقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة !!!!..

 

5-  إذا كتبت مقالاً فلازم تطعمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماغوجية والميكافيلية " ولاهوب لازم تحطها وأنت تكتب المقال لا... إذا قضى الأمر أبد لزهن فيه كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه ألف موسوعة ""؛ وانتبه تقول : "الرأسمالية و الأشتراكيه والقومية " ترى ذي الكلمات حقت مثقفين منول .. أما الحين ما عاد يوكلن عيش.

 

6-  كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف.

 

7-  خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه .

 

8-  انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك إذا كتبت قصيده حداثيه تكتب الشهر كتابه مهوب رقم زي كذا " حزيران 2007 " أما ذا الشهر حق مثقفين بقوه وينصح بعد انك تحط تحت التاريخ أي عاصمة أوربيه " لندن , جنيف , باريس " حتى لو انك كاتب القصيدة في حريملاء وإلا شقراء.

 

9-  إذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامة و الدهماء وانه معول من معاول هدم اللغة ولابد من إعلان الحرب عليه دون هوادة !!!

 

10-  إذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي , لا..

وقل الحياة والشرق الأوسط والاقتصادية حتى لو انك مابعد شفتهن على الطبيعة ..بس لزوم الثقافة.

 

11-  إذا قال لك احد وش الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للبر والا إذا صرت اضبب !! لاياحبيبي , قل له أنا تأسرني الليالي البيروتيه المقمرة وخصوصا في فصل الخريف حتى لو انك ما تفرق بين الخريف و" المربعانيه ".

 

12-  حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين.

 

 

13-  لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل لاست مونث ، عشان يقولون واااااو لغته رااااقية خخخخ.

 

14-  إياك وعلي الطنطاوي أو غيره من الأدباء أو الكتاب اللي مثله ، بل استبدله بأدونيس ، أو أينشتاين ، وشرواهم " شرواك الطيب"

 

 

| عدد الاعضاء : 15852 عضو  | الذين يقرؤون رسائلنا الآن :   | ارسل رسالة لكل الاعضاء | ‏n-ar@googlegroups.com || n-ar-love@hotmail.com

 

جميع الآراء و المشاركات والرسائل المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر المجموعة وادارتها

 

| جديد المواضيع | : عاصفة رملية تضرب محافظة القريات راتبي ألف ريال نمر يفترس أنثى قرد فتلد وهو يجرها سبحان الله الرحيم يوتيوب عربي وزير العمل: البطالة وعمل المرأة والاستقدام تحديات خارجية تواجه الوزارة المكتب الإذاعي يفتتح بمنطقة الجوف ويستعد للتغطيات والرسائل اليومية

 

إعلانات مجانية

لمستخدمي خدمة البريد المجاني من Hotmail Live أو  Gmail أو Yahoo إذا وصلتك هذه الرسالة في مجلد Junk أو Spam أو رسائل مزعجة  أو غير هام .. فضلاً اضغط من أعلى الصفحة على Mark as Safe أو Not Spam

http://www.n-ar.com/group.htmm

جميع الحقوق محفوظة لمجموعة نار الحب البريدية N-ar Group مجموعة شبابية هدفها الضحك والفرفشة والمعلومات السريعة 29 / مايو / 2009م     Rss